Компания туралы

Компания көптеген жылдар бойы аграрлық секторда лизинг бағдарламаларын табысты іске асырып келеді және осы салада сөзсіз көшбасшы болып табылады.

«ҚазАгроҚаржы» АҚ (ҚазАгроҚаржы, Компания, ҚАҚ) еліміздің агроөнеркәсіптік кешенін дамыту мақсаттарында отандық фермерлерге ауыл шаруашылығы техникасы мен жабдықтарын сатып алу бойынша лизинг қызметтерін көрсетеді.

Компания тарихы 19 жылдан асты және осы уақыт ішінде «ҚазАгроҚаржы» АҚ лизинг саласындағы өзінің көшбасшылық позициясын сақтап келеді. Компания саладағы жоғары құзыреттілігі, нарықтағы көпжылғы жұмыс тәжірибесі, филиалдарының дамыған желісі, мықты кадрлық құрам, сенімді несие рейтингтері және қаржы құралдарын тартуға қолжетімділік сияқты бәсекеге қабілетті күшті бәсекелік артықшылықтарға ие. Бұл артықшылықтар отандық фермерлерге тиімді қолдау көрсетуге және Компанияның саладағы тұрақты жағдайын қамтамасыз етуге мүмкіндік береді.

Бұл ретте «ҚазАгроҚаржы» АҚ одан әрі даму үшін үнемі жұмыс атқаруда.

«ҚазАгроҚаржы» АҚ 1999 жылғы 28 желтоқсанда Қазақстан Республикасы Үкіметінің «Ауыл шаруашылығының кейбір мәселелері туралы» 1999 жылғы 28 желтоқсандағы № 1777 қаулысына сәйкес тіркелген.

МИССИЯСЫ
Сапалы және бәсекеге қабілетті лизинг қызметтерін көрсету арқылы Қазақстан Респуликасының ауыл шаруашылығы техникасын және жабдықтарын жаңартуға жәрдемдесу.
Өңірлік желісі
Елдің барлық өңірлерінде 14 филиалы бар.
ЖАЛҒЫЗ АКЦИОНЕРІ
«ҚазАгро» ұлттық басқарушы холдингі» АҚ (Акционер, Жалғыз акционер).
ҚЫЗМЕТ БАҒЫТЫ
  1. ауыл шаруашылығы техникасының және жабдықтарының лизингі;
  2. АӨК субъектілерін несиелендіру.
Бәсекелестік артықшылықтары
  • лизинг саласындағы тәжірибесі 19 жылдан асады;
  • қызмет көрсетудің клиентке бағдарланған стандарттары;
  • оң беделге ие танымал бренді;
  • кредит рейтингі жоғары;
  • нарықтық құралдарды пайдалана отырып, қаражат тартудағы табысты тәжірибесі;
  • кадрлар құрамының жоғары құзыреті;
  • ауыл шаруашылығы техникасының жетекші жеткізушілері мен өндірушілерінің үлкен базасының бар болуы;
  • 2008 жылдан бері Қазақстан қор биржасындағы листинг;
  • қызмет ашықтығының жоғары деңгейі;
  • корпоративтік басқару жүйесін жетілдіру бойынша тұрақты жұмыс.